...

Peşəkar Mühasib Sertifikatı almaq istəyənlər üçün imtahanın I mərhələsi keçirilib

Cəmiyyət Materials 25 Sentyabr 2022 14:34 (UTC +04:00)
Peşəkar Mühasib Sertifikatı almaq istəyənlər üçün imtahanın I mərhələsi keçirilib

Bakı. Trend:

Dövlət İmtahan Mərkəzi (DİM) tərəfindən 25 sentyabr 2022-ci il tarixində peşəkar mühasib sertifikatı imtahanının I mərhələsi (mühasibat uçotu üzrә) keçirilib.

DİM-dən Trend-ə verilən məlumata görə, imtahan kağız daşıyıcılar vasitəsilə Bakıda 3 binada təşkil olunub. İmtahanının keçirilməsi üçün 3 ümumi imtahan rəhbəri, 9 imtahan rəhbəri, 64 nəzarətçi‑müəllim, 8 mühafizə (buraxılış rejimi) əməkdaşı cəlb olunub.

İmtahan 3 saat müddətində aparılıb və namizədlərə biliklərinin qiymətləndirilməsi üçün 40 test tapşırığı təqdim edilib. 40 test tapşırığının 30-u qapalı, 10-u açıq tipli tapşırıqlardır. İmtahanda maksimum 100 bal toplamaq mümkündür. Qapalı tipli tapşırıqların 20-si 1 balla, 10-u 2 balla, açıq tipli tapşırıqların 8-i 5 balla, 2-si 10 balla qiymətləndirilir.

İmtahan nəticələri yazılı cavab tələb edən tapşırıqların yoxlanılması ilə əlaqədar yaxın 15 gün ərzində elan olunacaq.

Xatırladaq ki, imtahanın II mərhələsi (qanunvericilik üzrə) oktyabrın 9-da keçiriləcək. İmtahanda iştirak etmək üçün qeydiyyat 29 sentyabr 2022-ci il tarixinədək aparılacaq.

Məqalədə:
Xəbər lenti

Xəbər lenti