Bakı. Trend:
Xəstə, qurumuş, utilizasiya ediləcək ağacların siyahısı hazırlanır.
Trend-in məlumatına görə, bunu bu gün Dövlət Ekoloji Ekspertiza Agentliyində keçirilən tədbirdə Bakı Şəhər Yaşıllaşdırma Təsərrüfatı Birliyinin şöbə müdiri Şaiq Vəliyev bildirib.
Onun sözlərinə görə, aidiyyəti qurumlarla birgə paytaxtın bütün rayonlarında genişmiqyaslı tədbirlərin həyata keçirilməsinə başlanılıb.
“Bununla bağlı xəstə, qurumuş, utilizasiya ediləcək ağacların siyahısı hazırlanır və mərhələli şəkildə bu işlər tərəfimizdən həyata keçirilir. Utilizasiya edilən ağacların yeri dezinfeksiya edildikdən sonra mövsüm ərzində burada yeni ağaclar əkiləcək. Bu günə kimi artıq Bakı şəhərində 3 min ədəd şam ağacı utilizasiya edilib”, - deyə o qeyd edib.