Bakı. Trend:
Azərbaycanın bəzi regionlarında soyuqların daha tez düşməsi
nəticəsində məktəblərin soyuq olması, uşaqların xəstələnməsi və bu
xəstəliyin daha sonra uşaqlar arasında yayılmasını nəzərə alaraq
məktəblərdə qış rejiminə keçidin 15 noyabrda deyil, havanın
temperaturuna uyğun tənzimlənməsinə ehtiyac var.
Trend-in məlumatına görə, bunu noyabrın 11-də Milli Məclisin Hüquq
siyasəti və dövlət quruculuğu, Müdafiə, təhlükəsizlik və korrupsiya
ilə mübarizə, İnsan hüquqları, Beynəlxalq münasibətlər və
parlamentlərarası əlaqələr komitələrinin birgə iclasında
“Azərbaycan Respublikasının 2023-cü il dövlət büdcəsi haqqında”
qanun layihəsinin müzakirəsi zaman Ombudsman Səbinə Əliyeva
deyib.
O qeyd edib ki, orta məktəblərdə qış rejiminə keçidin havanın temperaturuna uyğun tənzimlənməsi və qış rejimində məktəblərin isidilməsinə əlavə vəsaitlərin dövlət büdcəsi hesabına ödənilməsinə ehtiyac var. O həmçinin orta məktəblərdə əlavə dərs vəsaitlərinin təmin edilməsi və peşəkar psixoloqların artırılmasına dövlət büdcəsindən əlavə vəsaitin ayrılmasına ehtiyac olduğunu diqqətə çatdırıb.
S.Əliyeva həmçinin qeyd edib ki, yeni tələbə yataqxanalarının tikilməsi işi davam etdirilməlidir.