...

İnkişaf və Diplomatiya İnstitutunun “Xəzər Hövzəsi Araşdırmaları” Proqramı fəaliyyətini tamamlayıb (FOTO)

Cəmiyyət Materials 2 Dekabr 2022 17:24 (UTC +04:00)
İnkişaf və Diplomatiya İnstitutunun “Xəzər Hövzəsi Araşdırmaları” Proqramı fəaliyyətini tamamlayıb (FOTO)

Bakı. Trend:

ADA Universiteti nəzdində fəaliyyət göstərən İnkişaf və Diplomatiya İnstitutunun ("IDD") İxtisasartırma Proqramları tərəfindən təşkil edilən “Xəzər Hövzəsi Araşdırmaları” Proqramı fəaliyyətini tamamlayıb.

Proqramda on yeddi ölkəni - Argentina, Belçika, Böyük Britaniya, Braziliya, Gürcüstan, İsrail, İtaliya, Qazaxıstan, Qırğızıstan, Malayziya, Meksika, Özbəkistan, Pakistan, Polşa, Rumıniya, Türkiyə və Ukraynanı təmsil edən 30-dək xarici diplomat, dövlət qulluqçusu və diplomatik akademiya və beyin mərkəzlərinin nümayəndələri iştirak ediblər.

Proqram çərçivəsində keçirilən mühazirələr vasitəsilə iştirakçılar Xəzər regionun tarixi, geostrateji mövqeyi və iqtisadi imkanları barədə biliklərini artırıblar. Onların ölkəmizlə bağlı hərtərəfli məlumat əldə etmələri üçün müxtəlif mədəni, tarixi məkanlara, eləcə də Bakı Beynəlxalq Dəniz Limanına ziyarəti və Ağdam şəhərinə səfəri təşkil edilib.

Bakı Beynəlxalq Dəniz Limanında olan iştirakçılara tarixi İpək Yolu üzərində mühüm mövqeyi malik Azərbaycanda icra edilən "logistik hub" konsepsiyasına dair məlumat ötürülüb.

Proqram çərçivəsində Ağdama səfər edən qonaqlar Şahbulaq qalası, İmarət kompleksi, Cümə məscidi, Dram teatrı, Şəhidlər xiyabanı, Konfrans mərkəzi də daxil olmaqla bir sıra tarixi məkanları ziyarət edərək, vaxtilə dağıntılara məruz qalmış abidələrin hazırkı vəziyyəti ilə tanış olub, eyni zamanda oradakı qurucululuq və bərpa işlərini yerində müşahidə ediblər.

Proqramın dekabrın 2-si baş tutan bağlanış mərasimində Azərbaycan Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev regiondakı sülh quruculuğu prosesi, qonşu dövlətlərlə münasibətlər və Xəzər regionunda münaqişədən sonrakı vəziyyətlə bağlı mövzuları əhatə edən yekun mühazirə ilə çıxış edib. Daha sonra, Hikmət Hacıyev proqramı uğurla tamamlayan iştirakçılara sertifikatlarını təqdim edib.

Proqramla bağlı təssürütlarını bölüşən Qazaxıstanlı Salimcan Toilybek bildirib:

"Azərbaycan bizə məsafə baxımından yaxın olmasına baxmayaraq, ölkə ilə bağlı məlumatım mədud idi. Bura gəlmədən, bu Proqramda iştirak etmədən, Xəzərin Azərbaycan tərəfini kəşf etmək, onun tarixini, mədəniyyətini, eləcə də Qarabağla bağlı məsələləri dərindən öyrənmək mümkün deyil".

Məqalədə:
Xəbər lenti

Xəbər lenti