Bakı. Trend:
Rusiyanın “İrAero” aviaşirkəti Ufadan Bakıya uçuşlara başlayacaq.
Trend-in şirkətə istinadən verdiyi məlumata görə, uçuşlar martın 29-da başlayacaq və 2023-cü il oktyabrın 25-dək davam edəcək.
Birinci mərhələdə, cədvəldə qeyd olunduğu kimi, uçuşlar həftədə bir dəfə, çərşənbə günləri yerinə yetiriləcək.
Ufadan gələn təyyarə saat 20:00-da (GMT +5) yola düşəcək və Bakıya saat 22:00-da (GMT +4) çatacaq. Uçuşun müddəti üç saat olacaq.
Qeyd edək ki, 2022-ci ildə Heydər Əliyev Beynəlxalq Aeroportuna 36 xarici aviadaşıyıcı müntəzəm reyslər həyata keçirib ki, nəticədə rekord həddə - 2,2 milyon sərnişin daşınıb.