Bakı. Trend:
Ümumdünya Səhiyyə Təşkilatının (ÜST) baş direktoru Tedros Adhanom Qebreyesus bir çox ölkələrdə artan xəstəliklər səbəbindən COVID-19 və qripə qarşı qoruyucu maskalardan və peyvəndlərdən istifadəni davam etdirməyi tövsiyə edib.
Trend-in məlumatına görə, bu barədə ÜST-nin baş direktoru "X" sosial şəbəkəsində yazıb.
"Yoluxma riskini azaltmaq üçün maskalardan istifadə etməyə davam edin, [otaqları] havalandırın və [sosial] məsafəni qoruyun. Həmçinin sizin və yaxınlarınızın COVID-19 və qripə qarşı peyvənd olunduğundan əmin olun", - deyə o bildirib.
Təşkilat rəhbərinin sözlərinə görə, “bir neçə həftədir ki, bir çox ölkələrdə COVID-19 <...> və digər patogenlər səbəb olduğu tənəffüs yoluxucu xəstəliklərin sayında artım müşahidə olunub". ÜST bu tendensiyanın bir müddət davam edəcəyini hesab edir.