Azərbaycanın Tələbə Qəbulu üzrə Dövlət Komissiyasına işə qəbul üzrə keçirilmiş müsabiqənin 20 nəfər qalibi təcrübəçi olaraq TQDK-ya işə qəbul olunub. Bu barədə Trend ə Dövlət komissiyasından məlumat verilib.
Vakant yerlərə qəbul imtahanları dekabrın sonunda TQDK-da keçirilib. İmtahanlara buraxılımış 318 nəfərin 37-si ikinci tura keçib. Bu turda isə cəmi 20 nəfər lazımi bal yığıb.
Abituriyentlərə fərdi tapşırıqlar verilmişdi və onların nəticələri TQDK-ya təqdim olunmalı idi. Qəbul olunanlar Azərbaycan, Türkiyə, Rusiya, Almaniya, Ukrayna və digər ölkələrin ali məktəb məzunlarıdır.
Qeyd edək ki, imtahanlar "Dövlət qulluğu haqqında" qanuna əsasən keçirilib.