...

Teleradio Şurasının sədri: "İTV-nin Yayım Şurasının iclaslarında iştirak etməyən üzvlərin başqası ilə əvəzlənməsi üçün Milli Məclisə müraciət edəcəyik"

Cəmiyyət Materials 27 Fevral 2007 17:47 (UTC +04:00)

Azərbaycan,Bakı/müxbir Trend S.İlhamqızı/ Milli Televiziya və Radio Şurası İctimai Televiziyanın (İTV) Yayım Şurasının iclaslarında iştirak etməyən üzvlərinin yerinə başqasının seçilməsi üçün Milli Məclisə müraciət edəcək. Bu barədə Milli Televiziya və Radio Şurasının sədri Nuşirəvan Məhərrəmli məlumat verib.

N.Məhərrəmli qeyd edib ki, İTV-nin Yayım Şurasının 3 nəfər üzvünün səlahiyyət müddəti (2 illlik) başa çatıb və onlar növbəti dəfə 6 il müddətinə seçiməlidirlər. N.Məhərrəmli xatırladıb ki, Yayım Şurasının üzvlüyünə idman və dini təşkilatlar öz nümayəndələrini verib, lakin yaradıcı təşkilatlar isə passiv hərəkət etdilər və nümayəndələri iclaslarda iştirak etmədi: "Yalnız Jurnalistlər Birliyinin nümayəndəsi iclasa gəlib. Təəssüf edirəm ki, yaradıcı təşkilatlar bu işə belə laqeyd münasibət göstərirlər. Halbuki İTV-də, rəsmi qəzetlərdə elanlar getmişdi. Biz elan etmişdik ki, iclaslarda iştirak etməyən yaradıcı təşkilatarın sonradan müraciətləri nəzərə alınmayacaq. Ona görə də məsələ artıq aydındır və biz elanımıza uyğun olaraq iclaslarda iştirak edənlərin namizədliyini Milli Məclisə təqdim edəcəyik. İclaslara qatılmayan şəxslərin yerinə isə başqa namizədlər verəcəyik. Milli Məclis həmin yerə ya başqasını seçsin, ya da bizim təqdim etdiyimiz namizədlə əvəzləsin".

Xəbər lenti

Xəbər lenti