Azərbaycan, Bakı/ Trend müxbir S.Babyeva/ Bu gün (13 mart) Azərbaycan Respublikasının səhiyyə naziri Oqtay Şirəliyev Almaniyanın "VİVANTES" Səhiyyə Şəbəkəsinin baş katibi, professor Andreas Ebert, şirkətin Şimal Regionu direktoru, professor Andreas Şmidtlə görüşüb.
Nümayəndələr ikitərəfli memorandum hazırlandığı, bütün addımların bu memorandumda öz əksini tapdığı və artıq işə başlamanın mümkün olduğu barədə məlumat veriblər. Onlar Azərbaycanla əməkdaşlıqda maraqlı olduqlarını bildiriblər.
Andreas Ebert bu proqram çərçivəsində 100 həkimin Almaniyada treninq keçməsi, müəyyən güzəştlərlə xəstələrin bu ölkədə müalicə ala bilməsi, xəstələrə rus dilində tibbi xidmətlərin göstərilməsi imkanlarını və Almaniya mütəxəssislərinin Azərbaycana gələrək, səhiyyədə idarəetmə, işin təşkili və düzgün qurulması barədə məsləhət xidmətləri keçməsinin mümkünlüyünü bildirib.
Nazir öz növbəsində qeyd olunan məsələlərə mütləq baxılacağına və nəticədə onların müsbət həllini tapacağına ümid bəslədiyini qeyd edib.
Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az
Trend-in ən mühüm və maraqlı xəbərlərini "Telegram"da izləyin
.jpg)
