Azərbaycan, Bakı, 28 iyul /müx. "TrendLife" Eldar Hüseynzadə / Yaşıl Teatr mayın 10-dan fəaliyyət göstərsə də, orada konsertlər çox nadir hallarda keçirilir. Daha çox orada Bakı caz-festivalı keçirilən zaman konsertlər verilib. Çox tez-tez eşidirik ki, müğənnilərimiz məhz bu teatrda konsert vermək istəyirlər. Bizdə olan məlumata görə, Yaşıl Teatra yeni baş rejissor təyin edilib və bu, bəstəkar Faiq Sücəddinovdur. Bu haqda "TrendLife"a bəstəkar özü xəbər verib. Lakin teatrın yeni direktorunun adı açıqlanmayıb. Çox güman ki, yeni direktor isə Gövhər Həsənzadə olacaq.