Azərbaycan, Bakı / Trend müxbir Z.Səfərov/ İki azərbaycanlı güləşçi yunan-roma güləşi üzrə Pekində keçirilən gənclər arasında dünya çempionatının finalına yüksəlib.
50 kq-dək çəki dərəcəsində yarışan Qədir Süleymanov ardıcılıqla Gürcüstan, Qazaxıstan və Rusiya idmançısını üstələyərək həlledici mərhələyə vəsiqə qazanıb. Finalda o iranlı R.Asadpurla görüşəcək.
Eyni yolu Elvin Mürsəliyev də gedib. O finala doğru irəliləyərkən Rumıniya, Çin, ABŞ və Latviya idmançılarını üstələyib. Finalda Elvin ermənistanlı A.Culfalakyanla üz-üzə gələcək.
Komanda Pekində 2003-cü ildə dünya çempionu adını qazanmış baş məşqçi Arif Abdullayevin rəhbərliyi altında çıxış edir.
Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az
Trend-in ən mühüm və maraqlı xəbərlərini "Telegram"da izləyin
.jpg)
.jpg)
