Azərbaycan, Bakı, 9 fevral /Trend/
Qış fasiləsindən sonra bu gün Azərbaycan Premyer Liqasının 19-cu turuna start verilib.
Trend-in məlumatına görə, Gəncənin "Kəpəz" klubu paytaxtın "Neftçi" komandasını qəbul edib.
Matça qonaqlar daha fəal başlayıblar. "Neftçi"nin heyətində Flavinyo 26-cı dəqiqədə hesabı açıb. 68-ci dəqiqədə Kanales paytaxt futbolçularının üstünlüyünü bir qədər də möhkəmləndirib (0:2).
Düz 7 dəqiqə sonra Abdullayev gəncəliləri bir daha məyus edib (0:3). Bu, oyunda qeydə alının sonuncu qol olub.
Bu gün daha iki oyun baş tutacaq. "Rəvan" "Turan"ı, AZAL isə "Simurq"u qəbul edəcək.
Digər üç oyun fevralın 10-11-də keçiriləcək.