Azərbaycan, Bakı, 13 mart /Trend /
Çərşənbə günü UEFA Çempionlar Liqasının 1/8 final mərhələsi çərçivəsində cavab oyunları baş tutub.
"Barselona" doğma meydanında "Milan"-ı qəbul edib. İspanlar 4:0 hesabı ilə qalib gəliblər,
Lionell Messi 5-ci dəqiqədə ilk topu və 40-cı dəqiqədə ikinci topu vurub. Oyunun 55-ci dəqiqədə D.Villa və 90-cı dəqiqədə Alba fərqlənib.
İki oyunun nəticəsinə görə, "Barselona" ¼ final mərhələsinə keçir.
Günün digər qarşılaşmasında "Şalke""Qalatasaray" klubunu qəbul edib. Oyunun əsas vaxtı 2:3 hesabı ilə "Qalatasarayın" xeyrinə bitib.
Ev sahiblərindən Noyştedter 17-ci dəqiqədə və 63-cü dəqiqədə Bastos qol vurub. "Qalatasaray"-in toplarını isə 37-ci dəqiqədə Altıntop, 42-ci dəqiqədə Yılmaz və oyuna əlavə olunmuş beşinci dəqiqədə Bulut vurdu.
Beləliklə də, "Qalatasaray" ¼ final mərhələrsinə keçib.