Azərbaycan, Bakı, 13 iyul /Trend, müxbir E.Tanrıverdiyev/
İngiltərənin "Tottenhem" klubu "Aston Villa"nın hücumçusu Kristian Bentekenin keçidi üçün 20 milyon funt sterlinq ödəməyə hazırdır. Bu barədə Trend "The Telegraph" qəzetinə istinadən məlumat verir.
Lakin "Aston Villa"nın bu təklifə necə cavab verəcəyi bilinmir. Onlar 22 yaşlı futbolçuya görə 25 milyon funt sterlinq tələb edirlər.
Daha əvvəl Benteke "Aston Villa" klubunun rəhbərliyinə transfer haqqında sorğu göndərib.
Xatırladaq ki, Belçika millisinin hücumçusu ilə Londonun daha bir təmsilçisi "Çelsi" də yaxından maraqlanır.