Azərbaycan, Bakı, 8 yanvar /Trend/
Bu gün Rusiyanın Sankt-Peterburq şəhərində Valentin Qranatkinin xatirəsinə həsr olunmuş XXVI turnirdə 1996-97-cı il təvəllüdlü futbolçulardan ibarət Azərbaycan yığması qrubda son oyununu keçirib.
Trend-in məlumatına görə, komandamız Yaponiya ilə görüşdə 1:4 hesabı ilə məğlub olub. Bununla da qrupda sonuncu yeri tutub. Turnirin əsasnaməsinə görə, millimiz digər üç qrupda sonuncu yeri tutan komandalarla birgə 13-16-cı yerlər uğrunda yarışacaq. Qrup birinciləri isə 1-4-ci yerlər uğrunda mübarizə aparacaq.
Xatırladaq ki, turnir çərçivəsində yığmamız ilk oyununu yanvarın 4-də Yunanıstan komandasına qarşı keçirib. Qarşılaşma 1:1 hesabı ilə başa çatıb. Futbolçularımız ikinci qarşılaşmada çexiyalı həmyaşıdlarına 0:2 hesabı ilə məğlub olub.