Azərbaycan, Bakı, 11 aprel /Trend/
Məşhur qrossmeyster Vüqar Həşimovun xatirəsinə həsr edilən "Shamkir Chess 2014" beynəlxalq turnirinin rəsmi saytı artıq ictimaiyyətə təqdim olunub.
Trend-in məlumatına görə, turnirlə bağlı bütün xəbərləri www.shamkirchess.az və www.shamkirchess.com ünvanında izləmək mümkündür.
"Shamkir Chess 2014" beynəlxalq turnirinin medalları Almaniyadan, kuboklar isə Türkiyədən sifariş olunub.
Qeyd edək ki, şüarı "Davamlı gələcəyə doğru" olan "Synergy Group"un təşkil etdiyi yarışın açılış mərasimi aprelin 19-da Şəmkirdə yerləşən Heydər Əliyev Mərkəzində keçiriləcək.
