Azərbaycan, Bakı, 14 sentyabr /Trend/
Bu gün Azərbaycan Premyer Liqasında 4-cü tura yekun vurulub.
Trend-in məlumatına görə, son oyun günündə daha iki qarşılaşma keçirilib.
Günün ilk matçı Sumqayıtda baş tutub. Burada yerli "Sumqayıt" klubu Premyer Liqanın debütantı "Zirə"ni qəbul edib. Qarşılaşma qolsuz bərabərliklə başa çatıb.
Günün son oyunu paytaxtda keçiriib. Yenidən Premyer Liqaya qayıdan "Rəvan" öz meydanında "Neftçi"ni qəbul edib. Bu matçda "Neftçi" 3:1 hesabı ilə qalib gəlib.