Azərbaycan, Bakı, 29 sentyabr /Trend /
Bakıda keçirilən şahmat üzrə Dünya Kubokunda yarımfinal mərhələsi davam edir.
Dünya Kubokunun mətbuat xidmətindən Trend-ə verilən məlumata görə, Dünya Kubokunun mətbuat xidməti xəbər verir ki, artıq yarışda ilk yarımfinalçı məlumdur. Hollandiya şahmatçısı Aniş Giriyə qalib gələn Pyotr Svidler finalda oynamaq imkanı qazanıb (1.5:0,5).
Digər finalçı Pavel Elyanov (Ukrayna) və Sergey Karyakin (Rusiya) arasında müəyyənləşəcək. Tərəflər klassik oyunda iki dəfə heç-heçə oynadığından sentyabrın 29-da tay-brekdə qarşılaşacaq.