Digər oyunların nəticələri əlavə olunub (ilk xəbər saat 15:56-da yayılıb)
Bakı. Trend:
Bu gün Azərbaycan kubokunda 1/8 final mərhələsinin 6 oyunu keçirilib.
Trend-in məlumatına görə, "Turan Tovuz" doğma meydanda "İnter"i qəbul edib. Oyun qonaqların üstünlüyü ilə keçib - 1:3.
"Sumqayıt" "Neftçala"nın qonağı olub. Matçın son dəqiqələrində sumqayıtlılar hesabı müəyyənləşdiriblər - 0:1.
AZAL "Zirə" ilə qarşılaşıb. Oyun zirəlilərin xeyrinə başa çatıb - 1:2.
"Xəzər Lənkəran" isə doğma meydanda "Kəpəz"i sınağa çəkib. Maraqlı və gərgin keçən qarşılaşma cənub təmsilçisinin qələbəsi ilə bitib - 1:0.
"Neftçi" "Qaradağ Lökbatan"ı qəbul edib. Oyunda "flaqman" darmadağın şousu göstərib - 7:0 (Qollar: 5' - Kaue da Silva; 19' - Rəhman Hacıyev; 32', 62' - Elşən Abdullayev; 34' - Ruslan Qurbanov, 36' - Cavid İmamverdiyev; 52' - Ruslan Qurbanov; 84' - Məhəmməd Qurbanov)
"Qarabağ" - "Şəmkir" oyununda isə 72-ci dəqiqədə Cavid Tağıyev hesabı açıb. 11 dəqiqə sonra Samuel Armenteros son nötqəni qoyub - 2:0.
Qeyd edək ki, 1/8 final mərhələsinin "Rəvan" - "Bakı" və "Qəbələ" - "Mil-Muğan" oyunları sabah keçiriləcək.