Bakı. Elçin Mehdiyev - Trend:
Bakıda keçiriləcək 42-ci Ümumdünya Şahmat Olimpiadası Azərbaycanda şahmatın inkişafına böyük töhfə verəcək. Trend-in məlumatına görə, bunu Azərbaycan Şahmat Federasiyasının prezidenti Elman Rüstəmov Bakıda keçiriləcək 42-ci Ümumdünya Şahmat Olimpiadasına 100 gün qalması ilə bağlı keçirilən tədbirdə deyib.
E.Rüstəmov bildirib ki, Azərbaycanın gözəl şahmat ənənələri var: "Prezident İlham Əliyev idmanı dövlət siyasəti səviyyəsinə qaldırıb. Ölkədə idmanın inkişafına, o cümlədən şahmata böyük diqqət verilir".
E.Rüstəmov deyib ki, Azərbaycanın şahmat infrastrukturu genişlənib, bütün regionlarda şahmat infrastukturu yaradılıb.
Onun sözlərinə görə, Azərbaycan komandası olimpiadaya güclü hazırlaşıır: "Şahmatçıların uğurlu çıxış etməsi üçün bütün işlər görülür. Çox ümid edirik ki, olimpiadada müvəffəqiyyətlə çıxış edəcəyik. Biz əminik ki, 42-ci Şahmat Olimpiadası dünyanın ən tanınmış olimpiadalarından biri olacaq".