Bakı. Trend:
Fransada keçirilən futbol üzrə Avropa çempionatı başa çatdı.
Trend-in məlumatına görə, final oyununda meydan sahibi Fransa Portuqaliya ilə qarşılaşıb.
İlk hissədə Ronaldo dizindən zədə alaraq, stadionu vaxtından əvvəl tərk edib. Bu, qarşılaşmada yadda qalan əsas məqam olub. Belə ki, matçın əsas vaxtında qol qeydə alınmayıb.
Oyuna əlavə olunmuş vaxtın 109-cu dəqiqəsində Portuqaliya yığmasının üzvü Eder fərqlənib. Oyun 1:0 hesabı ilə Portuqaliyanın xeyrinə başa çatıb.
Beləliklə, Portuqaliya tarixində ilk dəfə olaraq Avropa çempionu olub.
...