Bakı. Elçin Mehdiyev - Trend:
Bakıda Formula 1 SOCAR Azərbaycan Qran-Prisi çərçivəsində Formula 2 üzrə ikinci yarışda daha bir zəncirvari qəza baş verib.
Trend-in məlumatına görə, pilotlar Nikita Mazepin (ART Grand Prix), Cordan Kinq (Motorsport) və Luka Qiotto (UNI-Virtuosi) dönmə zamanı səkiyə çırpılıblar. Hər üç pilot mübarizəni yarımçıq dayandırıb.
Qeyd edək ki, Bakıda Formula 1 SOCAR Azərbaycan Qran Prisi çərçivəsində Formula 2 üzrə ikinci yarışa start verilib.
Formula 2 yarışlarında hər biri iki pilotla təmsil olunan 10 komanda birincilik uğrunda mübarizə aparır.
