Bakı. Trend:
İtaliyanın "İnter" futbol klubu Avropa Liqasının yarımfinal oyununda Ukraynanın "Şaxtyor" komandasını 5: 0 hesabı ilə məğlub edib.
Trend-in məlumatına görə, görüş Almaniyanın Düsseldorf şəhərində keçirilib.
Qollar Lautaro Martineü (19, 74-cü dəqiqə), Danilo D'Ambrozio (64) və Romelu Lukaku (78, 84) tərəfindən vurulub.
Finalda "İnter" İngiltərənin "Mançester Yunayted"i məğlub edən İspaniyanın "Sevilya" komandası ilə oynayacaq.