Bakı. Orxan Nəbiyev - Trend:
Tokio-2020 Yay Olimpiya Oyunlarında 75 kiloqramadək çəki dərəcəsində azərbaycanlı karateçi Rəfael Ağayev qrup mərhələsinin üçüncü görüşündə Qazaxıstan idmançısı Nurkanat Ajikanovla qarşılaşıb.
Trend-in məlumatına görə, R.Ağayev rəqibini 3:2 hesabı ilə məğlub edərək yarımfinala vəsiqəni təmin edib.
Qrup mərhələsinin son görüşündə Ağayev italiyalı Luici Buza ilə qarşılaşacaq.
***
13:32
Tokio-2020 Yay Olimpiya Oyunlarında 75 kiloqramadək çəki dərəcəsində azərbaycanlı karateçi Rəfael Ağayev ikinci görüşündə Avstraliya idmançısı Tsuneari Yahiro ilə qarşılaşıb.
Trend-in məlumatına görə, R.Ağayev 5:0 hesabı ilə rəqibinə qalib gəlib.
Növbəti görüşlərdə karateçimiz Qazaxıstan karateçisi Nurkanat Ajikanov və italiyalı Luici Buza ilə qarşılaşacaq.
***
12:30
Tokio-2020 Yay Olimpiya Oyunlarında karate üzrə yarışlar start götürüb.
Trend-in məlumatına görə, 75 kiloqramadək çəki dərəcəsində azərbaycanlı karateçi Rəfael Ağayev ilk görüşdə almaniyalı rəqibi Nikolas Bitçlə qarşılaşıb.
O, rəqibini 2-1 hesabı ilə üstələyib.
Növbəti görüşlərdə karateçimiz Avstraliya idmançısı Tsuneari Yahiro, Qazaxıstan karateçisi Nurkanat Ajikanov və italiyalı Luici Buza ilə qarşılaşacaq.