Bakı. Orxan Nəbiyev - Trend:
Qətərin "Əl-Sədd" futbol klubu ispaniyalı baş məşqçi Xavi Ernandeslə müqaviləyə xitam verib.
Trend-in məlumatına görə, bu barədə klubun baş direktoru Türki Əl-Əli bildirib.
Xavinin yaxın saatlarda "Barselona" ilə müqavilə imzalaması gözlənilir.
Qeyd edək ki, "Barselona" oktyabrın 28-də Ronald Kumanın baş məşqçi vəzifəsindən azad edilməsindən sonra Xavi ilə razılaşsa da, "Əl-Sədd" ispaniyalı məşqçini buraxmaqdan imtina edirdi.
Hazırda "Barselona"ya müvəqqəti olaraq Serxi Barxuan rəhbərlik edir.