...

Samuel Eto'O Kamerun Futbol Federasiyasının prezidenti seçildi

İdman Materials 11 Dekabr 2021 22:14 (UTC +04:00)
Samuel Eto'O Kamerun Futbol Federasiyasının prezidenti seçildi

Bakı. Trend:

İspaniyanın "Real Madrid", "Barselona" və Rusiyanın "Anji" klublarının keçmiş hücumçusu Samuel Eto'O Kamerun Futbol Federasiyasının prezidenti seçilib.

Trend-in məlumatına görə, bu barədə Federasiyanın mətbuat xidməti bildirib.

S.Eto'O karyerasını 40 yaşında bitirib. Onun sonuncu klubu Qətərin "Qətər SK" komandası olub.

O, üç dəfə İspaniya çempionu və Çempionlar Liqasının qalibi, iki dəfə İspaniya və İtaliya kuboklarının, İspaniya Superkubokunun qalibi olub. Futbolçu bir dəfə İtaliya çempionluğunu, İtaliya Superkubokunu və klublararası dünya çempionluğunu qazanıb.

Kamerun millisinin heyətində o 118 oyun keçirib və 56 qol vurub ki, bu da milli komandanın tarixində ən yaxşı göstəricidir.

Məqalədə:
Xəbər lenti

Xəbər lenti