Bakı. Trend:
Bu gün futbol üzrə İspaniya çempionatının 34-cü turu çərçivəsində "Real Madrid" öz meydanında "Espanyol"u qəbul edib.
Trend xəbər verir ki, oyun meydan sahiblərinin 4:0 hesablı qələbəsi ilə yekunlaşıb. Oyunda qolları Rodriqo (33-cü və 43-cü dəqiqələr), Marko Asensio (55) və Kərim Benzema (81) vurublar.
Bu qələbədən sonra "Real Madrid"in xallarının sayı 81-ə çatıb. Kral klubunun turnir cədvəlində ən yaxın izləyicisi "Sevilya"nın 64 xalı var və çempionatın yekunlaşmasına qədər "Real Madrid"i keçmək şansı yoxdur.
Bu səbədən "Real Madrid" vaxtından əvvəl İspaniya çempionatının qalibi olub.