Bakı. Trend:
Türkiyənin milli bayramı - Respublika Günü münasibətilə Bakı Su İdman Sarayı bu ölkənin dövlət bayrağı ilə işıqlandırılıb.
Trend-in məlumatına görə, şəhərin müxtəlif yerlərindən idman sarayının üzərində olan Türkiyə bayrağını izləmək mümkün olub.
İşıqlandırma Bakı Su İdman Sarayı tərəfindən həyata keçirilib.
Qeyd edək ki, oktyabrın 29-u Türkiyə Respublikasının yaradıldığı gündür.