Bakı. Trend:
İngiltərənin “Mançester Yunayted” futbol klubu və İspaniyanın “Sevilya” komandası Avropa Liqasının 1/4 final mərhələsinin ilk oyununda qalibi müəyyən etməyiblər.
Trend-in məlumatına görə, Mançesterdəki görüş 2:2 hesabı ilə başa çatıb. “Mançester Yunayted”in heyətində Marsel Sabitser dubla imza atıb (14 və 21-ci dəqiqələr). "Sevilya"nın aktivində İngiltərə komandasının oyunçuları Tayrell Malasiya (85) və Harri Maquayerin (90+3) avtoqollarıdır.
Cavab qarşılaşması aprelin 20-də Sevilyada keçiriləcək.
Oyun gününün digər görüşlərinin nəticələri: "Bayer 04" (Almaniya) - "Union" (Belçika) - 1:1,
"Yuventus" (İtaliya) - "Sportinq" (Portuqaliya) - 1:0.
Turnirin finalı mayın 31-də Budapeştdə baş tutacaq.
Avropa Liqasının hazırkı qalibi Almaniyanın "Ayntraxt" klubudur.