Bakı. Trend:
"Qarabağ" komandadan ayrılan Qara Qarayevlə bağlı açıqlama yayıb.
Trend xəbər verir ki, klub rəsmi səhifəsindəki paylaşımında Ağdam təmsilçisində göstərdiyi xidmətlərə görə 30 yaşlı yarımmüdafiəçiyə təşəkkür edib, ona gələcək karyerasında uğurlar arzulayıb.
Qeyd edək ki, "Qarabağ"ın yetirməsi olan Qara Qarayev 2008-ci ildən Ağdam klubunun əsas komandasında oynayırdı. O, 2013-cü ildən Azərbaycanın əsas millisinin də üzvüdür.