Bakı.Trend:
Azərbaycanda şahmat üzrə Dünya Kuboku ən yüksək səviyyədə keçiriləcək
Trend -in məlumatına görə, bunu bu gün Azərbaycanın gənclər və idman naziri Fərid Qayıbov Bakıda Beynəlxalq Şahmat Federasiyasının (FIDE) Şahmat üzrə Dünya Kuboku ilə bağlı keçirilən mətbuat konfransında deyib.
O qeyd edib ki, Prezident İlham Əliyev ölkədə bu idman növünün inkişafına xüsusi diqqət yetirir.
"Artıq Azərbaycanda bir sıra idman tədbirləri keçirilib. Biz vaxtaşırı Azərbaycanda şahmat üzrə dünya çempionatları keçiririk, şahmat üzrə çempionlarımız var. Əminəm ki, digərləri kimi bu tədbir də Azərbaycanda ən yüksək səviyyədə keçiriləcək", - nazir əlavə edib.
Qeyd edək ki, Dünya Kuboku iyulun 30-da başlayacaq və avqustun 25-dək davam edəcək.