Bakı. Trend:
Futbol üzrə Türkiyə Superliqasında 30-cu tura yekun vurulub.
Trend-in məlumatına görə, günün son oyununda "Trabzonspor" doğma meydanda "Fənərbağça"nı qəbul edib. Qarşılaşma "sarı-lacivərd"lərin 3:2 hesablı qələbəsi ilə başa çatıb.
Trabzon azarkeşləri oyunun final fiti səsləndikdən sonra meydana daxil olaraq qələbəni qeyd edən "sarı-lacivərd"lərin futbolçularına hücum ediblər.
“Trabzonspor” tərəfdarları ilə “Fənərbağça” oyunçuları arasında çıxan davaya təhlükəsizlik qüvvələri müdaxilə edib.
Qeyd edək ki, hazırda "Fənərbağça" 79 xalla ikinci pillədə qərarlaşıb. "Trabzonspor" isə 49 xalla üçüncü sıradadır.