Bakı. Trend:
Almaniyada təşkil olunan AVRO-2024-ün C qrupunda mübarizəyə start verilib.
Trend İdman.biz-ə istinadən xəbər verir ki, Sloveniya və Danimarka qarşılaşıb.
Görüş Ştutqartda keçirilib və qalib müəyyənləşməyib. Danimarka hesabı erkən açsa da, fasilədən sonra Sloveniya bərabərlik qolunu vurub. Oyun 1:1 hesabı ilə yekunlaşıb.
Qeyd edək ki, qrupun bu gün keçiriləcək digər matçında İngiltərə və Serbiya üz-üzə gələcək.
AVRO-2024
Qrup mərhələsi, I tur
16 iyun, C qrupu
20:00. Sloveniya - Danimarka - 1:1
Qollar: Erik Yanza, 77 - Kristian Eriksen, 17
Baş hakim: Sandro Şarer (İsveçrə)
Ştutqart. "Ştutqart Arena"