Bakı. Trend:
“Neftçi”nin məşqçilər korpusunda yeni təyinatlar olub.
Trend İdman.biz-ə istinadən xəbər verir ki, bunu klubun mətbuat xidməti açıqlayıb.
Litvalı Saulius Sekanaviçus köməkçi məşqçi, italiyalı Ciordano Domeniko fiziki hazırlıq üzrə məşqçi, belaruslu Aleksandr Ajintsov isə məşqçi-reabilitoloq vəzifəsini yerinə yetirəcək.
Bunadək məşqçilər korpusunda yer alan Sənan Qurbanov və qapıçılar üzrə məşqçi Emil Babayev də baş məşqçi Roman Qruqorçukun köməkçilərindən olacaq.