Bakı. Trend:
Formula 1 üzrə dünya çempionatının Sinqapur Qran-prisi keçirilib.
Trend İdman.biz-ə istinadən xəbər verir ki, yarışın qalibi Lando Norris olub.
Dünən təsnifat mərhələsini 1-ci pillədə bitirən "Maklaren"in piloti əsas yarışa ilk sıradan start verib və üstünlüyünü sonadək qoruyub saxlaya bilib. Maks Ferstappen ("Red Bull") yarışı 2-ci, 1 həftə əvvəl Bakıda qələbə qazanan Oskar Piastri ("Maklaren") isə 3-cü pillədə başa vurub.
Qeyd edək ki, Norris mövsümdə 3-cü qələbəsini qazanıb. Bundan əvvəl britaniyalı Mayami və Niderland Qran-prilərində finiş xəttini birinci keçib.