Bakı. Trend:
Türkiyənin "Beşiktaş" klubunda ciddi bir itki yaşanıb.
Trend-in verdiyi məlumata görə, İstanbul təmsilçisinin hücumçusu Ciro İmmobile zədələnib. İtalyan forvard, Super Liqanın 11-ci turunda "Kasımpaşa" ilə keçirilən oyunda (1:3) ayaq əzələsindən zədə alıb.
34 yaşlı futbolçunun müalicəsinə başlanılıb, lakin onun məşqlərdən nə qədər müddətə uzaq qalacağı hələlik məlum deyil.
Qeyd edək ki, "Beşiktaş" Ciro İmmobileni mövsümün əvvəlində "Latsio"dan transfer edib. İtaliya millisinin üzvü "qara qartallar"ın heyətində keçirdiyi 16 rəsmi matçda 12 qol vurub.