Bakı. Trend:
Turinin "Yuventus" klubu "Mançester Yunayted"ə maraqlı təklif etməyi planlaşdırır.
Trend xəbər verir ki, İtaliya təmsilçisi serbiyalı hücumçu Duşan Vlahoviçi niderlandlı forvard Coşua Zirkze ilə dəyişdirmək niyyətindədir.
"Yuventus", müqaviləsi 2026-cı ilin yayında başa çatacaq Vlahoviçlə yeni anlaşma imzalamaq fikrində deyil. Bunun əvəzinə, klub "Mançester Yunayted"də gözlənilən performansı göstərə bilməyən Zirkzeni heyətinə qatmaq istəyir.
Qeyd edək ki, 23 yaşlı Duşan Vlahoviç cari mövsümdə 23 oyunda 12 qol vurub və 2 məhsuldar ötürmə edib. Yayda "Bolonya"dan "Mançester Yunayted"ə keçən 23 yaşlı Coşua Zirkze isə 27 matçda 4 qol və 2 ötürmə ilə yadda qalıb.
Transferin baş tutub-tutmayacağı hələlik məlum deyil, lakin belə bir dəyişiklik iki tərəf üçün də maraqlı perspektivlər yarada bilər.