Bakı. Trend:
İngiltərə Premyer Liqasında 21-ci turun oyunları start götürüb, lakin liderlər üçün tur uğurlu keçməyib.
Trend xəbər verir ki, "Liverpul" səfərdə "Nottingem Forest"lə görüşdə 1:1 hesablı heç-heçə ilə kifayətlənib. İlk dövrədə bu rəqibə məğlub olan "qırmızılar" yenə xal itirərək liderlik yolunda əngəllə üzləşib.
"Mançester Siti" isə "Brentford"la 2:2 hesablı bərabərliyə razılaşıb. Oyunun son dəqiqəsində qələbəni əldən verən "şəhərlilər" üçün bu qarşılaşma itirilmiş fürsət oldu.
Öz meydanında çıxış edən "Çelsi" də "Bornmut"la 2:2 hesabı ilə heç-heçə edib. Bununla yanaşı, "Vest Hem" "Fulhem"i 3:2 hesabı ilə məğlub edərək tura qələbə ilə yekun vurub.
Günün nəticələri:
"Brentford" - "Mançester Siti" 2:2
"Çelsi" - "Bornmut" 2:2
"Vest Hem" - "Fulhem" 3:2
"Nottingem Forest" - "Liverpul" 1:1