Bakı. Trend:
"Əl-Nəsr" yayda braziliyalı müdafiəçi Qabriel Maqalyaeşi heyətinə qatmaq istəyir.
Trend xəbər verir ki, Səudiyyə Ərəbistanı klubu Qabrielə yüksək məbləğdə maaş təklif edəcək. "Əl-Nəsr" müdafiəçiyə "Arsenal"da qazandığından 3 dəfə çox, yəni 20 milyon avro maaş təklif etməyə hazırdır. Lakin "Arsenal" Qabrieli 100 milyon avrodan ucuz satmaq niyyətində deyil.
Qeyd edək ki, "Arsenal" 27 yaşlı braziliyalı futbolçu ilə yeni müqavilə bağlamağı planlaşdırır. Qabriel isə mövsümün sonunda qərarını verəcəyini bildirib.