Bakı. Trend:
Türkiyənin "Trabzonspor" futbol klubu "Mançester Yunayted”in qapıçısı Andre Onananı 2025/26 mövsümünün sonuna kimi icarəyə götürüb.
Trend-in məlumatına görə, bu barədə Türkiyə təmsilçisi "X" sosial şəbəkəsində yazıb.
Bundan əvvəl Türkiyə klubunun 29 yaşlı qolkiperin almaq hüququna malik olmadığı barədə məlumat verilib.
A.Onana 2023-cü ilin yayında “İnter”dən “Mançester Yunayted”ə transfer olunub. Bu müddət ərzində kamerunlu qapıçı bütün turnirlərdə 102 matçda iştirak edib, onlardan 24-də qapısını “təmiz” saxlayıb və 150 qol buraxıb.