...

Ərdoğan: İstanbulun yeni hava limanı regionun nəqliyyat qovşağına çevriləcək

İqtisadiyyat Materials 30 Oktyabr 2018 15:24 (UTC +04:00)
İstanbulda yeni açılmış və “İstanbul” adı verilmiş hava limanı regionun nəqliyyat qovşağına çevriləcək.
Ərdoğan: İstanbulun yeni hava limanı regionun nəqliyyat qovşağına çevriləcək

Bakı. Rufiz Hafizoğlu - Trend:

İstanbulda yeni açılmış və “İstanbul” adı verilmiş hava limanı regionun nəqliyyat qovşağına çevriləcək.

Trend-in məlumatına görə, bunu Türkiyə Böyük Millət Məclisində çıxışı zamanı Türkiyə Prezidenti Rəcəb Tayyib Ərdoğan deyib.

O bildirib ki, layihə yeni-yeni reallaşdırılmağa başlayarkən üçüncü hava limanının tikintisinə çox az adam inanırdı.

R.T.Ərdoğanın sözlərinə görə, “İstanbul” hava limanının tikintisinin 42 ay ərzində başa çatdığı bir vaxtda Avropanın ən inkişaf etmiş ölkəsi Almaniyada aeroportun tikintisi davam edir.

Qeyd edək ki, dekabrın 31-i yerli vaxtla saat 00:00-dan İstanbulun Atatürk hava limanından bütün uçuşlar dayandırılacaq və həmin vaxtdan bütün yük və sərnişin daşımaları yeni aeroportdan həyata keçiriləcək.
İstanbulun üçüncü hava limanı şəhərin şimal hissəsində, Terkos gölü yaxınlığında inşa olunub. Aeroportun tikintisinə 10 milyard türk lirəsi xərclənib.

İstanbulun yeni hava limanından Bakıya (gediş-dönüş) biletin qiyməti 99 ABŞ dolları təşkil edir. Biletlərin satışına artıq başlanıb.

Məqalədə:
Xəbər lenti

Xəbər lenti