Bakı. Elçin Mehdiyev - Trend:
Ümid edirik ki, yaxın zamanlarda Pakistan manqosu Azərbaycan bazarında əlçatan olacaq.
Trend-in məlumatına görə, bunu Pakistanın Azərbaycandakı səfiri Bilal Hayee Bakıda keçirilən Pakistan Manqo Festivalında deyib.
Səfir bildirib ki, manqo Pakistan mədəniyyətinin, folklorunun bir parçasına çevrilib: “Ölkəmiz manqo ixrac edən ölkələr arasında liderdir”.
O bildirib ki, Cənubi Asiya manqoları ölkənin Cənubi Pəncab regionunda yetişir:
"Pakistanda manqoların 100-dən çox növü yetişir və bu gün festivalda bir neçə növ təqdim olunur və ümid edirik ki, gələcəkdə pakistanlı iş adamları geniş çeşidi Azərbaycan bazarına gətirəcək”.
Twitter: @ElchinMehdiyev
