Bakı. Trend:
Ötən il Azərbaycan iqtisadiyyatı sabit inkişaf etsə də iqtisadiyyatımıza xarici mənfi təsirlər də var idi və burada söhbət inflyasiyanın artmasından gedir.
Trend-in məlumatına görə, bunu maliyyə naziri Samir Şərifov Milli Məclisin İqtisadi siyasət, sənaye və sahibkarlıq komitəsinin iclasında 2021-ci ilin dövlət büdcəsinin icrasının müzakirəsi zamanı deyib.
Nazir bildirib ki, inflyasiyanın artmasının səbəblərindən biri də ərzaq məhsullarının dünya miqyasında bahalaşması olub. “Dövlət tərəfindən həmin proseslər nəzərə alınaraq müxtəlif subsidiya proqramlarının həyata keçirilməsinə qərar verilib”, - deyə nazir bildirib.