Bakı. Trend:
ABŞ Federal Ehtiyat Sistemi (FES) uçot dərəcəsini 0,75 faiz bəndi artıraraq 3-3,25%-ə çatdırıb.
Bu barədə Trend FES-in açıqlamasına istinadən xəbər verir.
Tənzimləyici 2022-ci ildə ABŞ ÜDM-in artımı proqnozunu 1,7%-dən 0,2%-ə qədər azaldıb, həmçinin ABŞ-da inflyasiya proqnozunu 2022-ci ildə 5,2%-dən 5,4%-ə, 2023-cü ildə 2,6%-dan 2,8%-ə, 2024-cü ildə isə 2,2%-dən 2,3%-ə qaldırıb.
FES ABŞ-da 2022-ci il üçün işsizlik proqnozunu 3,7%-dən 3,8%-ə, 2023-cü ildə isə 3,9%-dən 4,4%-ə yüksəldib.