Bakı.Trend
Azərbaycandakı əksər ödəmə, məlumat, və ümumi növbə terminalları Elektrik Avadanlıqları Zavodunda hazırlanır.
Bunu bu gün Trend-ə STP QlobalCable şirkətinin satış meneceri Qasımov İqrar deyib.
Onun sözlərinə görə, terminalların rəngləri, quruluşu, dizaynı sifarişə əsasən əmakdaşlarımız tərəfindən hazırlanır.
"Azərbaycana xaricdən də terminallar gəlir. Ölkəmizdə isə yalnız Elektrik Avadanlıqları Zavodunda terminallar istehsal edilir. Azərbaycanda böyük şirkətlərlə, banklarla işləyirik. Bütün terminallara bir illik qarantiya verilir. Terminalların içərisində olan mexanizmlər ölkəmizdə istehsal edilmədiyindən xaricdən gətirilib burada yığılır.
Terminalların qiymətləri mexanizmlərinə görə dəyişir. Ümumi götürsək, qiymətlər 2-20 min manat arası dəyişir", - deyə o qeyd edib.