...

Rusiya ilə sərhəddəki sıxlıq yaxın günlərdə tam aradan qaldırılacaq - DGK

İqtisadiyyat Materials 11 Noyabr 2022 12:17 (UTC +04:00)
Rusiya ilə sərhəddəki sıxlıq yaxın günlərdə tam aradan qaldırılacaq - DGK
Fərid Zöhrabov
Fərid Zöhrabov
Bütün xəbərlər

Bakı. Trend:

“Samur” dövlət sərhədindən buraxılış məntəqəsinin qarşısında yaranan yük nəqliyyat vasitələrinin sıxlığı xeyli azalıb və yaxın günlərdə tam aradan qaldırılacaq.

Bunu Trend-ə DGK-nin Mətbuat və İctimaiyyətlə Əlaqələr İdarəsinin rəisi Natiq Axundov deyib.

O bildirib ki, mövsümlə əlaqədar kənd təsərrüfatı məsullarının ixracı, ölkəmizdən tranzit keçən nəqliyyat vasitələrinin artımı və qarşı tərəfin buraxılış sayına uyğun az keçidin təmini dövlət sərhədinin qarşısında yük avtomobillərinin sıxlığının yaranmasına səbəb olmuşdu.

Azərbaycan və Rusiya hökumətləri arasında aparılan danışıqlar nəticəsində sərhədkeçmə prosesləri xeyli sürətləndirilib. Belə ki, əvvəllər “Samur” dövlət sərhədindən buraxılış məntəqəsinin ixrac nəzarət xəttindən gündəlik 200-250 avtomobilin keçidi təmin olunurdusa, hazırda bu rəqəm 550-600-ə çatdırılıb.

Xatırladaq ki, “Samur” dövlət sərhədindən buraxılış məntəqəsinin qarşısında 3500-ə qədər yük nəqliyyat vasitəsi növbə gözləyirdi, görülən tədbirlər nəticəsində onların sayı 400-450-yə qədər enib.

Yaxın günlərdə sıxlığın tam aradan qaldırılması üzrə işlər aparılır.

Məqalədə:
Xəbər lenti

Xəbər lenti