Bakı. Trend:
Avropa Yenidənqurma və İnkişaf Bankı (AYİB) “Azərbaycan Xəzər Dəniz Gəmiçiliyi” QSC-nin (ASCO) inkişafını maliyyələşdirməyə hazırdır.
Trend-in məlumatına görə, bu barədə jurnalistlərə "Azərbaycan Xəzər Dəniz Gəmiçiliyi" QSC-nin (ASCO) sədri Rauf Vəliyev bildirib.
Onun sözlərinə görə, ASCO-ya 100 milyon dollar kreditin ayrılması ilə bağlı artıq ilkin razılıq əldə olunub.
"Bizim QSC-yə sözügedən kreditləşmə dövlət zəmanəti olmadan həyata keçiriləcək. Lazım gələrsə, bu məbləğ artırıla bilər", - deyə R.Vəliyev qeyd edib.