Bakı. Trend:
Naxçıvan Muxtar Respublikasının Dövlət Vergi Xidməti tərəfindən yeni nəsil nəzarət-kassa aparatlarının (NKA) tətbiqi istiqamətində işlər davam etdirilir. 2023-cü ilin 1 dekabr tarixinə muxtar respublika ərazisində 2.554 ədəd yeni nəsil NKA quraşdırılıb. Yanvar-noyabr aylarında belə NKA-lar vasitəsilə qeydə alınan dövriyyə 205.5 milyon manat olub.
Bu barədə Trend-ə İqtisadiyyat Nazirliyi yanında Dövlət Vergi Xidmətindən məlumat verilib.
Həmin dövr ərzində “ƏDV geri al” layihəsi çərçivəsində istehlakçılara 752.2 min manatdan çox, təkcə noyabr ayında isə 100.1 min manat ƏDV məbləği geri qaytarılıb. Yanvar ayı ilə müqayisədə oktyabr ayında istehlakçılara qaytarılan məbləğ 4,8 dəfə artıb.