Bakı. Trend:
Birinci liqada yarışan "Mingəçevir" futbol klubu ilə Azerbaijan Sport Talents Academy (ASTA) arasında tərəfdaşlıq müqaviləsi imzalanacaq.
Trend xəbər verir ki, imzalanma mərasimi sabah Bakıda keçiriləcək.
ASTA uşaq futbolunun inkişafına dəstək məqsədilə yaradılıb və iş adamı Adnan Əhmədzadəyə bağlı qurumdur. Qeyd edək ki, sabahkı tədbirin təşkilatçıları sırasında Futbolun İnkişafı Fondu da var.
Bir müddətdir mediada məlumat yayılıb ki, Adnan Əhmədzadə "Mingəçevir" klubuna sponsor olmaq niyyətindədir və bu məqsədlə AFFA-ya müraciət edib.
Xatırladaq ki, ASTA-nın maliyyə dəstəyi ilə Azərbaycanın 15 yeniyetmə futbolçusunun Barselonada “Marcet” akademiyasında təlim keçəcəyi xəbərləri bir müddət əvvəl diqqət mərkəzində olub.
Adnan Əhmədzadə həmçinin dünya futbol ulduzu Lionel Messi ilə yaxınlığı ilə tanınır. Ötən ay Argentina millisinin kapitanı məhz onun təşkilatçılığı ilə Bakıya səfər edib.
Adnan Əhmədzadə uzun illər SOCAR-ın müxtəlif departamentlərində mühüm vəzifələr tutub, o cümlədən investisiyalar v