9 dekabr 2023-cü il tarixində Azərbaycanın ən böyük avtomobil idxalçılarından biri olaraq “SR GroupCo” MMC XPENG brendini Azərbaycan bazarına təqdim etdi!
2014-cü ildə təsis edilmiş XPENG brendi premium seqment üzrə ixtisaslaşan elektrikli avtomobil istehsalçısıdır. Yarandığı ilk gündən bəri yeniliklər edən şirkət, inteqrasiya olunmuş İnternet və Al texnologiyası ilə ağıllı mobilliyin inkişafında lider kimi özünü təsdiq etməkdə davam edir. Qeyd edək ki, 2022-ci ildə XPENG dünyanın ilk elektrikli uçan avtomobilini hazırlamışdır. Bu layihə avtomobillərin təkcə nəqliyyat vasitəsi deyil, həm də texnoloji yeniliklərə və davamlı gələcəyə doğru bir addım olduğunu göstərir.
Bir sıra fərqli brendlərin distribütorluğunu edən “SR GroupCo” MMC şirkəti son illərdə bütün dünyada olduğu kimi ölkəmizdə də böyük marağa səbəb olan premium elektrikli avtomobil brendlərinin gətirilməsini həyata keçirir. Ölkəmizdə brendin ilkin olaraq P7 və G9 modelləri təklif edilir.
“SR GroupCo” MMC şirkətinin avtomobil sektorunun rəhbəri Toğrul Paşayev müsahibəsində qeyd etmişdir: “Bazarda seçilən bir sıra brendləri uğurlu şəkildə təqdim etdiyimizi düşünürəm. “Gələcəyi idarə et” sloqanımızla bazara XPENG brendini daxil etdik. Salonumuzun açılışı olduğu gündən bəri salona gələn qonaq sayı bizi çox sevindirir. Müştərilərimizə qabaqcıl texnologiyalara və yüksək keyfiyyət standartlarına əsaslanan ən yaxşı məhsul və xidməti təklif etməyə hazırıq.
Tam elektrikli, ən son texnoloji yeniliklərlə təmin olunan, premium seqmentə aid bu brendin ölkəmizdə çox qısa müddətdə seviləcəyi şübhəsizdir”.
XPENG brendinin təqdim etdiyi modellərlə Babək prospekti 74A ünvanında yerləşən avtosalonuna yaxınlaşaraq daha yaxından tanış ola və sınaq yürüşünə yazıla bilərsiniz. Həmçinin avtomobillərə 10% ilkin ödənişlə sərfəli bank kredit şərtləri ilə sahib olmaq mümkündür.
Qeyd edək ki, SR Group MMC-yə daxil olan “SR Elektro motors” MMC şirkəti XPENG brendinin regionda rəsmi distribütorudur.
Xatırladaq ki, “SR GROUP MMC” bir sıra fərqli sektorlar üzrə müxtəlif uğurlu biznes sahələrinə sahib olduğu kimi, avto sektorunda da 1996-cı ildən bu günədək davam edən böyük bir təcrübəyə malikdir. Bu sahədə sahib olduğu brendlərin “Mercedes”, “Skoda”, “Changan”, “Leap Motor” hər biri öz seqmentində bazarın liderlərindən biri kimi çıxış edir.